ქალაქში საჩუქრებია დამალული.

1. ორგანიზატორი

კამპანიის ორგანიზატორია MEDICARD (medicard.ge). კონტაქტი: support@medicard.ge. Apple და Google ამ კამპანიის სპონსორები არ არიან და მასში არანაირად არ მონაწილეობენ.

2. ვინ მონაწილეობს

18 წელს მიღწეული ნებისმიერი პირი, რომელსაც MEDICARD-ის ანგარიში აქვს. მონაწილეობა უფასოა და არაფრის ყიდვას არ მოითხოვს. ერთ ადამიანს მონაწილეობა მხოლოდ ერთი ანგარიშით შეუძლია.

3. როგორ მუშაობს

• ჩართე MEDIRUN MEDICARD-ის აპში და იარე ან ირბინე. ყუთები მხოლოდ MEDIRUN-ის აქტიური სესიის დროს ჩნდება, როცა GPS სიგნალი ზუსტია.
• ყუთთან მიახლოებისას ტელეფონი გულისცემასავით კანკალებს. რაც უფრო ახლოს ხარ, მით უფრო ჩქარა.
• ადგილზე ჩართე კამერა, იპოვე ყუთი და შეეხე. თითოეული მოთამაშე ერთსა და იმავე ყუთს მხოლოდ ერთხელ ხსნის. ერთი ყუთის გახსნა რამდენიმე ადამიანს შეუძლია, სანამ მისი მარაგი არ ამოიწურება.
• ყუთები მხოლოდ აპშია. ქუჩაში არაფერი იდება.

4. განრიგი

• ორშაბათიდან პარასკევამდე, 08:00, 13:00 და 18:00 საათზე: ბევრი მცირე ყუთი ყველა უბანში — პირველ გამხსნელს 20–80 Medi Coins. საღამოს ყუთები მხოლოდ განათებულ ადგილებშია.
• შაბათ-კვირას, 09:30, 13:30 და 17:30 საათზე: მეტი ყუთი — პირველ გამხსნელს 30–120 Medi Coins.
• შაბათობით, 16:00-ზე: საჩუქრების წვიმა ერთ პარკში, პირველ გამხსნელს 80 და 150 Medi Coins. პარკს 15:00-სა და 15:30-ზე, Instagram-ისა და Facebook-ის სთორიში, გამოცანით გავამხელთ.
• 7 ნოემბრიდან, შაბათობით: ფარნის ყუთები, პირველ გამხსნელს 500 Medi Coins. მათ მხოლოდ ის დაინახავს, ვისაც თბილისის არანაკლებ 0,25% აქვს განათებული.
• ყუთს რამდენიმე ადამიანი ხსნის: პირველი იღებს სრულ თანხას, მეორე — 60%-ს, მესამე — 40%-ს, შემდეგი — 25%-ს. ყოველ ორშაბათს კვირის ლიდერბორდის პირველი სამეული (ყუთები და მანძილი) დამატებით 300 / 200 / 100 Medi Coins-ს იღებს. ყუთების რაოდენობა და ქოინები კამპანიის განმავლობაში შეიძლება შეიცვალოს; მიმდინარე განრიგი ყოველთვის აპში ჩანს.
• 31 დეკემბერს, 12:00-ზე: დიდი საჩუქარი (იხ. მე-7 პუნქტი).

დრო, ადგილი და ყუთების რაოდენობა შეიძლება შეიცვალოს ამინდის ან უსაფრთხოების გამო. ცვლილებებს აპსა და სოციალურ ქსელებში ვაცხადებთ.

5. Medi Coins

Medi Coins ყუთის გახსნისთანავე ჩაირიცხება შენს ანგარიშზე. მათ ფულადი ღირებულება არ აქვს, ფულზე არ იცვლება და სხვას არ გადაეცემა. აპში მათი გადაცვლა ჯილდოებზეა შესაძლებელი, სანამ ეს ჯილდოები ხელმისაწვდომია.

6. როგორ ითვლება თბილისის განათებული ნაწილი

MEDIRUN-ით სიარული შენი მარშრუტის გასწვრივ დაახლოებით 100 მეტრის სიგანის ზოლს ანათებს. ერთსა და იმავე ქუჩას მეორედ არ ვითვლით. პროცენტი არის განათებული ფართობის წილი თბილისის ადმინისტრაციულ საზღვრებში (OpenStreetMap, დაახლოებით 504 კმ²). 1% დაახლოებით 5 კმ²-ია, ანუ 50-ოდე კმ ახალი ქუჩა. შენი პროცენტი MEDIRUN-ში ჩანს.

• 0,1% — ნაპერწკალი
• 0,25% — ფარანი: შაბათის ფარნის ყუთები 7 ნოემბრიდან
• 0,5% — ჩირაღდანი
• 1% — შუქურა: 31 დეკემბრის დიდი საჩუქარი

7. დიდი საჩუქარი

2026 წლის 31 დეკემბერს, 12:00-ზე (თბილისის დროით), თბილისის ერთ საჯარო პარკში ექვსი საათით გამოჩნდება ყუთი, რომელშიც წითელი iPhone 18 Pro Max იქნება. ამ ყუთს მხოლოდ ის დაინახავს და გახსნის, ვისაც გახსნის მომენტისთვის თბილისის არანაკლებ 1% აქვს განათებული. იგებს ის, ვინც ყუთს პირველი გახსნის (სერვერის დროით). შემთხვევითი გათამაშება არ ტარდება.

საჩუქრის გადაცემამდე გამარჯვებულ სესიას ვამოწმებთ. საჩუქარს 14 დღის განმავლობაში თბილისში გადავცემთ. ამისთვის უნდა წარმოადგინო აპში ნაჩვენები კოდი და პირადობის მოწმობა, რომელშიც მითითებული სახელი ანგარიშის სახელს ემთხვევა. საჩუქარი ფულზე არ იცვლება. თუ 18:00-მდე ყუთს არავინ გახსნის, მას ხელახლა დავმალავთ და ახალ დროს წინასწარ გამოვაცხადებთ.

8. სამართლიანი თამაში

აკრძალულია GPS-ის გაყალბება, ემულატორის ან სხვისი ანგარიშის გამოყენება, ანგარიშის გაზიარება და ავტომატური თამაში. ასეთი სესიები უქმდება, ანგარიში შეიძლება დისკვალიფიცირდეს და მისი საჩუქრები არ გაიცემა.

9. უსაფრთხოება

• ყუთები მხოლოდ საჯარო ბილიკებზე იდება — არასოდეს გზაზე, ეზოში ან დახურულ ტერიტორიაზე.
• დაიცავი საგზაო მოძრაობის წესები. ქუჩის გადაკვეთისას ეკრანს ნუ უყურებ — პულსს ხელში იგრძნობ.
• სხვებს ნუ უბიძგებ: შაბათის წვიმაში ყუთები ბევრს ეყოფა.

10. პერსონალური მონაცემები

MEDIRUN-ის სესიის დროს შენი მდებარეობა გამოიყენება მხოლოდ თამაშისთვის და გამარჯვების შესამოწმებლად, ისე, როგორც კონფიდენციალურობის პოლიტიკაშია აღწერილი. გამარჯვებულის სახელი ან ფოტო მხოლოდ მისი წერილობითი თანხმობით ქვეყნდება. ლიდერბორდზე მხოლოდ მეტსახელი ჩანს.

11. ცვლილებები

კამპანიის შეცვლა ან შეჩერება შეგვიძლია ტექნიკური მიზეზით, ამინდის ან უსაფრთხოების გამო. ცვლილებები ამ გვერდზე ქვეყნდება. შეკითხვები: support@medicard.ge.

2026 წლის 2 ოქტომბერი: კამპანიის დაწყება შაბათიდან, 3 ოქტომბრიდან, ორშაბათზე, 5 ოქტომბერზე გადავიდა. პირველი ყუთები 5 ოქტომბერს, 08:30-ზე გამოჩნდება. დასრულების თარიღი და დიდი საჩუქარი უცვლელია.